ToOotyAngel

لأن حبي لك فوق مستوى الكلام .. قررت أن أسكت .. والســلام ...!!! »

 

كلمة ونـــص 7


مقدمة غير كل المقدمات  .. وكلام غير أي كلام  .. 
بس  هنبتدي برده بعمنا صلاح جاهين " جَاهينيّات "--------------------
أنا كل يوم أسمع .. فلان عذبوه
أسرح ف بغداد والجزاير واتوه
ما أعجبش م اللي يطيق بجسمه العذاب
وأعجب من اللي يطيق يعذب أخوه
عجبي!!



من فترة طويله وأنا نفسي أتكلم عن أدب الحوار والأختلاف ....

 
بس قابلت  موضوع .. من فترة ليست بالبعيدة ..  فكان لازم أتكلم عنه

النهارده  ....

عن نفسي بحاول أعمل بأدب الحوار  على قد ما أقدر ....

بس طبعا في حاجات ممكن تستفزني في الحوار ....

فطبيعي بخرج عن شعوري .. بس المهم  أننا نعتذر .. ونحترم المخالف ..

لاسيما إذا كان الموضوع اللي بنتكلم فيه يسعنا فيه الخلاف .... 

أنا هعدد الآداب بأسلوبي أنا .. واللي أتعلمته من أستاذي .....

ربنا يديله الصحة  :)  ........

طبعا أنا لما بدخل حوار .. أهم حاجه أني أتوصل للحق والصح ....

مش داخل أتحاور .. لمجرد الجدال العقيم  .... 

أو أني أوصل للأنتصار  وخلاص .... كما قال الشيخ سلمان العودة ..

 "الحوار أقوى من الكلاشينكوف "                                                

يبقى أول حاجه ....                                                       

1 -  إضهار الحق .؛. ومحاولة إقناع المخالف ... أو أقتناعي ...

     اذا كان الموضوع يسعنا الخلاف فيه وليس قضية حق وباطل

    ولازم نجدد النية أني مش داخل أعرف الناس أنا واد جامد ..

     وأكابر في الحق .. لأنتصر لنفسي

يبقى تاني حاجه .......

2- النية الصالحه .......

ولازم نحترم المخالف .. مهما كان قدره ... طالما لم يتجاوز معي حدود

الأدب ...... عدم التسفيه من رأيه ....

يبقى تالت حاجه .......

3 - أحترام المخالف ...

بعض ناس بيحب يهول في المواضيع .. يديها أكبر من حجمها .. ويحمل

كلامك مالا تعنيه .. يعني أنت تقول كلمة تقصد بيها شىء ..

 ويفهمها هو بطريقته ويلزمك بفهمه .. مع أنك وضحتله المقصود من

كلامك !  . لا أنت تقصد كدا !! 

يبقى رابع حاجه ..........

 4 - عدم التهويل من مقاله الآخر .. وفهمها على مراده .....

البعض يخرج عن مجال النقاش ..؛ ويتهم الآخر بأفعاله !! .....

 يعني ممكن يقولك ده جاهل  !  .. وأنت أجهل منه لأنك تحاور جاهل :) 

  قديما كانوا بيقولوا ... " لكل داء دواء إلا الحمق أعيا من يداويه "  

يبقى خامس حاجه .....

5 - عدم الأعتداء ع الطرف الآخر بالسب  والتجريح الشخصي ....! 

وفي حاجه كمان كتير بيقع فيها .. أنه يدخل يتكلم مع واحد .. يقوله اللي

أنت بتعمله ده حرام ربنا هيعقبك  وهتروح النار بسبب الذنب ده  ...

  ممكن أنسان يتقبل الكلام ده وأنسان  لا يتقبله وبعد كدا يقع في أخطر

من كدا ......

يبقى سادس حاجه ......

6-  مراعاة المصالح الشرعية في الإنكار ..... 

بعض الأخوة اللي موجودين ع الفيس بوك هنا مشهورين بالحوار

الأسلامي المسيحي .. كتير منهم  وللأسف  معتقد أنه بيخدم الإسلام ...!


 وللأسف هو أكبر ضرر عليه .. يجيب واحد مسيحي عايز يقنعه بالعافيه ..

كتابك بيقول .... و يفضل يجيبله صور ... لاداعي من عرضها أصلا ..

.. بتعليقات مستفزة  ... وشنودة بيقول .. ومش عارف أيه .... 

فخلاص الموضوع ده هيقلب مع المسيحي بعند .. ومش هيقتنع ....

ده غير أن الأخوة  .. عايز ينتصر وخلاص ....!

 طيب أنت بتحاور  ليه .. مش عشان تهدي الناس للحق ....!

وللأسف الموضوع بينتهي بشتايم وقلت أدب .. وخلاص ... !! 

بصراحه مش عايز أطول أكتر من كدا .. لاني لو أتكلمت في الموضوع

ده هفتح ع الرابع وهتزهقوا مني ..........! 

" حوار الطرشان "  -  " جدل بيزنطي " 



واحد حلو وملزق كاد أن يصل إلي درجة اللزج في جريدة اليوم السابع ..

يدعى هشام الصادق يكتب : ... إلى مواليد التسعينيات من أبناء

الفيس بوك..  عيشوا عيشة أهاليكم شوية ...؛

وعمال يجيب  من أيام السبعينات .. ويحكي .. أبوك كان بيعمل وأمك

كانت بتعمل كذا ..  وكانت أنواع الصابونه كذا في التمنينات ....

 يعني بيقول أن العصر الرئيس مبارك أزهي العصور .. هو فعلا أزهي

العصور .. ولكن في الأستبداد والأستعباد  :) ...!

أحب أقول للكاتب ياريتها كانت جابت تمرجي ..  :)  ......

بيقارن  مابين  20 سنه فاتت ؛ والعصر الحالي .. طيب ما نخرج من

المقارنه العقيمة دي ..؛.. ونقارن مابيننا وبين رعاة الغنم  في الدول

 العربيه الآن .. ولا أقولك  نقارن مابيننا وبين قبائل البربر ...!

مش هطول كتير .. بس روح البيت ..  موت خميس وجمعه و تصبح يوم

السبت ..تقولها غطيني وصوتي ياما أنا بقيت صينية :P 

الصين أحتلت البلد  .. ياريت نشوف الصين كانت فين وبقيت فين .. 

وأحنا كنا فين وبقينا فين ................ ؟! . 

طبعا ده المقال  بتاع اليوم السابع عشان اللي يحب يقراه .......
 هشام الصادق يكتب: إلى مواليد التسعينيات من أبناء الفيس بوك.. عيشوا عيشة أهاليكم شوية


آه يا قلبي يا كتاكت ياما أنت مليان وساكت ..........!





للأسف ..... ساعات الواحد بيعامل ناس بأسلوب كويس .. وبيندم ....

بس مش مشكله أدينا بنتعلم  ...........  :(

مقصدش بيها حد من أخواننا الأفاضل اللي موجودين ع الفيس بوك .... 

للأسف معارف شخصيين .......! 

واحد حبيبي أسمه أحمد حسين ... كان دايماً يقولي كن أنت ....! 

ربنا يعلم الكلمة دي فادتني كتير أووي .. ولسه بستفيد منها للوقت الحالي! 





للأسف مش هقدر أكمل زيادة عن كدا في النوت ده  : (  

 نكمل بكرا إن شاء الله  .......................





تصبحوا على حياة طيبة ...................؛ 

وأنت من أهل تلك الحياة ..........*!  


 

المصدر: مرسلة بواسطة المعتزل .......
ToOotyAngel

لأن حبي لك فوق مستوى الكلام .. قررت أن أسكت .. والســلام ...!!! »

  • Currently 13/5 Stars.
  • 1 2 3 4 5
3 تصويتات / 1547 مشاهدة
نشرت فى 6 ديسمبر 2011 بواسطة ToOotyAngel

ساحة النقاش

zeinabelbana

شكرا على المشاركة والتعليق

ToOotyAngel

الشكر لله وحده ... ربنا يحفظك ويعزك ...

ToOotyAngel فى 8 ديسمبر 2011

ToOotyAngel

ToOotyAngel
ما اصعب ان تحب شخص بجنون .. وانت تعرف انه لك .. لن يكون ..!! »

تسجيل الدخول

ابحث

عدد زيارات الموقع

230,576