الجامع الازهر، القاهرة، مصر، بناه جوهر الصقلى قائد المعز لدين الله الفاطمى سنة 970، و اتعملت فيه أول صلاة جمعه سنة 972. لما اتبنى كان بيتكون من تلت ايوانات حوالين الصحن، اكبرها كان ايوان القبله، و كان فيه خمس أروقه. بعد كده على مر السنين و العهود اتعملت فيه زيادات، اهمها فى عصر الدوله المملوكيه. مساحته دلوقتى حوالى 12.000 م مربع. الجامع ليه تمن أبواب.

الجامع الأزهر اتبنى فى الأصل للصلا ، و فى الأول اقتصرت الحلقات الدراسيه اللى كانت بتتعمل فيه على الدعايه للحكم الفاطمى و نشر الفقه الشيعى. الوزير ابن كلس كان من أول اللى درسوا فيه، وعين 37 فقيه للتدريس و طلع لهم مرتبات شهريه و اداهم سكن.

الفاطميين بنو الجامع الازهر عشان يكون مسجد جامع فى عاصمتهم الجديده. مصر وقت بنا الازهر كان فيها مسجدين جامعين تانيين هما جامع عمرو بن العاص فى الفسطاط و جامع احمد بن طولون فى القطائع ، و كان فيه مسجد جامع تالت فى العسكر لكن فى وقت بنا الأزهر كان اتحول لأطلال. هدف الفاطميين من بنا الازهر جنب عادة بنا المساجد الجامعه فى العواصم الجديده و انه يكون مكان يصلى فيه الخليفه و العسكر انه يكون كمان مركز لنشر مذهبهم الشيعى و رمز لانتصارهم على الدوله العباسيه. ابتدا بنا الازهر فى ابريل 970م و خلص بناه فى سنتين و تلت تشهر و اتفتح للصلا لاول مره يوم الجمعه 21 يونيه سنة 972م ( 7 رمضان 361هـ ). فى الاول ماكانش اسمه الجامع الازهر لكن " جامع القاهره " و ده كان اسمه الغالب تقريباً طول العصر الفاطمى ، و بيتقال انه اتسمى الجامع الازهر فى عهد العزيز بالله اللى بنى قصور اتسمت " القصور الزاهره " فسمو جامع القاهره " الأزهر " ، لكن الارجح انه اتسمى نسبه للسيده فاطمة الزهراء اللى اتنسب اسم الدوله الفاطميه ليها.

 

 

SamaPhotography

Sama Photography

  • Currently 0/5 Stars.
  • 1 2 3 4 5
0 تصويتات / 103 مشاهدة
نشرت فى 8 أغسطس 2013 بواسطة SamaPhotography

ساحة النقاش

Sama Photography

SamaPhotography
التصوير هو ايقاف لحظة من الزمن لتبقي الي الابد »

ابحث

تسجيل الدخول

عدد زيارات الموقع

13,447