ترسمينى بالكلام
توعدينى بالغرام
بس هيه دى الحقيقة
قلبى محتاج للعلام
**
قلبى طير صغير يصدق
كل كلمه و كل همسه
فوق شطوط الحب يغرق
و فى عذابه يلقى مرسى
مهما سبب له الآلام
**
قلبى عود أخضر و ساكنه
حلم من أيام طفولته
يسكن الحب فى مساكنه
يبقى غنوة وقت صمته
غنوة فيها الإنسجام
**
قلبى عايش بور شراقى
أرضه عطشانه لحنان
دار يدور ع السواقى
و إنتى جنبه من زمان
نبع صافى ع الدوام
**
إرسمينى جوه قلبك
غيرى فيه الملامح
و اوعدينى يوم بحبك
يبقى نخل و ضله طارح
فوق جبينى لما أنام
د . محمد رمزى
ساحة النقاش