بحبك
*****
بحبك مش كلمه بحروفها
بحبك احاسيس وبنشوفها
وحبك كان قدر مكتوب
ومش ممكن يكون صدفه
بحبك من زمان عارفه
من وانا كنت فى اللفه
ولما كنت طفل رضيع
وحبك ما توصفه المواضيع
لانك كنتى ليا كيان
وحبك فى القلب كان بركان
وكان خامد مابيثورشى
وحتى لما جيت امشى
بأيدك كنتى تاخدينى
وجوة القلب تضمينى 
بكل حنان
وتبتسمى لما كنت اضحك 
وتبكى لو فى يوم زعلان
بحبك 
من امتى مش عارف 
وغير حبك منا شايف
بحبك بقولها
ومش خايف لانى فى
حضنك بحس بأمان
وحبك فى قلبى 
مخلوق من زمان
ومن اول سنينى 
وانتى تعلمينى
احب بعواطفى
واوفى مهما كان
بحبك
بحبك حقيقى
مش كلمه وحروف
بقلمى
رضا ناجى
#بالامل_عايش