علَّمني جدّي البحّار
شعر غنائي للأطفال- ندى أمين الاعور – لبنان
هيلا هيلا هالخيرات
بتطلع من تحت الموجات
تفيك تْعَيِّش العيال
بتتصَيَّدهن للسمكات!!
العيلة بدها مال كتير
عالصيد منغدي بكير
تتستمر الحياة
ما منفنيهن للسمكات
بتصيد، هيذا حقي
أنا لازم أمِّن رزقي
بأمِّن رزقي باستمرار
علَّمني جدّي البحّار
جدودي الصيادي تمشوا
وحتى نفسن ما يغشّوا
حافظو عالنّباتات
اللي بتنبت تحت الموجات
أكل يغذي هالسمكات
السمكات فواج فواج
بتقفز من بين الأمواج
ما بخللي شبكات الصيد
تجمعهن قشة لفة!
قشة لفة ما بيصير
هالعادة بدها تغيير
قياس الشبكة يكون مدروس
تنظل نأمّن الفلوس
استخدام الديناميتات
بيفني أسباب الحياة
وبيفنيهن للسمكات
وبيحرمني من المورد
وما بيبقى عندي غلات
