<!--<!--<!--<!--[if gte mso 10]> <style> /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-priority:99; mso-style-parent:""; mso-padding-alt:0in 5.4pt 0in 5.4pt; mso-para-margin-top:0in; mso-para-margin-right:0in; mso-para-margin-bottom:10.0pt; mso-para-margin-left:0in; line-height:115%; mso-pagination:widow-orphan; font-size:11.0pt; font-family:"Calibri",sans-serif; mso-ascii-font-family:Calibri; mso-ascii-theme-font:minor-latin; mso-hansi-font-family:Calibri; mso-hansi-theme-font:minor-latin; mso-bidi-font-family:Arial; mso-bidi-theme-font:minor-bidi;} </style> <![endif]-->
"إِنَّ الْمُلُوكَ"
"إِنَّ الْمُلُوكَ إِذَا دَخَلُوا قَرْيَةً أَفْسَدُوهَا"
وإذا دخلوا المصارف أفلوسها
وأذا دخلوا بيوتنا عبر جوجل .. فتشوها
فلا هدهد سليمان الحكيم كان عسس
ولا بلقيس هاتجرى فى الدروب
تبحث عن شركة النقل ..
اللى نقلت عرشها من غير ماتعرف
ولما جت .. وقفت .. وبصت .. بطرف عينها .. لم تكترث
ياه على الثبات الإنفعالى .." إِنَّ كَيْدَكُنَّ عَظِيمٌ "
لأنها قالت لهم وهيه فى حضرة ملك
هذا الذى أخذتموه
عرش دمياطى من المناصرة بدون حرس
وأردفت .. " وكأنه هو"
علشان كدا خفضت الثوب الطويل الشفتشى
لايمكن الثوب يترفع عن الكعوب المرمرية
لو حتى ع الزئبق فرس
الجن من هول المفاجأة .. تعرفت وأتخرس
لأنهم "لَّوْ كَانُوا يَعْلَمُونَ الْغَيْبَ مَا لَبِثُوا "
أو حتى وقعـوا .. فى فك الكمين المفترس
ياما نصحتك قولت لك .. لازم تكون واعى وحويط
ومن الحاجات دى تحترس .. وأنت واقف فى طابور
سمعت صرخة مجلجلة .. بس مكتومة بألم
إحنا عارفينه ..ورصدينه ..وهنقولك فى الوقت المناسب
مين اللى من تحت العباية مد إيده وقام قرص
علشان كدا كان الكلام بلغة الأشارة
كلام كدا زى الخرس
بلاش تلف المسئلة خليك صريح
علشان تجينى كل ساعة وتشتكى .. فى مجلس الأمن الذبيح
هاننصفك .. الفعل مطروح للنقاش
خلاص بقا .. بطل تلوم كل اللى واقفين فى الطابور
بطل تزووم فى مجلس الدوما العموم
لازم تكون وغد وشرس
يإما تاخد حق غيرك ..عينى عينك
يإما هتضييع فرص
إلحق بسرعة الوقت فات .. والسرج ع المعصم قرص
أنت كبيرك كام سنه .. تقعد على الكرسى وتمشى بدون سكات
ويحطو فى رقبتك جرس
جى بى أس راصد نيتك
مهما تعدل فى اللوكيشن أو تراوغ فى المسار .. أو تغير مطرحك
زهقنا يابنى خلاص بقا نعملك أيه
ندهنا سخمت ينصحك
طلّع مسلة وقالكم .. اللى بيحصل دا هزار
سئلك سؤال واضح كما ضوء النهار
لماذا أشعلت الحريق جنب التتار
مش إحنا قولنا لك كتير.."يانونو"
متلعبش قبل النوم بنار
كنا فاكرينك ذكى .. فضى ورمادى وليلكى
لكن طلعت ولد عبيط
عايز تزيط ف قلب الظيطة .. ظيط
لقد اقتربت كتير قوى من مرقد الدب ..
اللى فاكر إنه نايم نوم عميق
ف بحر روسيا أو حتى ف البلطيق
الدب قام كسر الجليد
قلب البحار .. براكين حمم تحدف شرار
وجرى قدامة الديابة .. وخلى كل الدنيا غابة
لأنه دب .. وأنت حمار
لو حتى حبوا يخططوك .. بلون ديمقراطى وتبقى زبرا
برضة حمار
ليه ماسئلتش بيدبا يأيها الذئب العجوز
كان أطلعك على غباء التور .. وراسة الطائرة بسيف دبشليم
كانوا عايزينك هزبر وليث عظيم
تحمى جحورهم والعرين
لكن طلعت أسد خئور
حتى زئريك لم يعد .. يهز ريشة من الطيور
واى لبؤة تقصدك تلقيك هزيل
أو زى كلب جعان عقور
الدب قام .. من بياته الشتوى
فلا يمكن ينام تانى ويخور
لو فتحت جوابى .. سيبك من البنط العريض
واقرا اللى مابين السطور
عملت فيها ولد جسور
ووضعت ع الفحم البرود بدل البخور
تمثال ع الأطلنطلى وحده مشمرة
بتنادى بالحرية وهيه من سبايا بارتولدى
ماسكة ف إيدها مبخرة .. لزوم أصول القنعرة
بتهزها يمين شمال للنيتو لما يعدى .. ف حالة فشخرة
سخمت فى غضبه قالهم هيه الحروب لعبة
يالا "بِس" .. يعنى بالهليوغريفى بطل مسخرة
ريتشرد .. أرجع يانيتو للولاد الطيبين
سيبك من العودة بمفاتيح أورشليم
للبابا والعجائز وعمال المناجم والحطابين
سيناريو من دم الضحايا
فى العراق وف طرابلس وف دمشق واليمن السعيد
اللى كتبة صنايعى له أسلوب بديع
لكن خلاص .. خلص الربيع
وروحت مارلين حزينة لأنها
ملقتش ولا نسمة هوا فى الأطلسى
تخلى فستانيك ياطير.. ياغنية
البحر الأسود مش بسيط
أمواجة عالية وعاتية
