روحك حلوه وحزنك غالبك 
ماليه عنيكى الطيبه بجد
اجمل حاجه فى شكلك قلبك
وحاجات صعب ان جت تتعد 
شكل عنيكى وصوتك دايما 
خايف متردد مكسوف 
حلم حياتى ادخل مملكتك
يترجم احساسى حروف 
انطقها واستنى ردودك
تتخضى وتقولى نسيت
فجأ تقولى مالك طيب
فلسانى يقولك جيت 
انا جايلك عشان اختارتك
تبقيلى ويكونلك بيت
انا جايلك من كوكب تانى 
انا جايلك من عصر نسوه 
وموافق على كل شروطك
ومقرر فى عنيكى هاتوه