<!--<!--<!--
النفس قالتلي دا انت فقير
وأخويا وصاحبي عنده وعنده
وتاعبني معاك من التفكير
وهو يابخته وحظه وسعده
لما بيطلب.... طلبه أوامر
وفي أي قضيه بيحكم وحده
وأصحابه كتيرومجلسه عامر
...واللي كلامه يخالفه يرده
قلت لنفسي اهدي شويه
ونفكر سوافي كلامك ليه
خلي شيطانك...أعرف أصده
ربك عادل ورحمته بيه
وكفايه ستره علي ......ووده
عمره ماكان الرزق قضيه
بس المسلم ..........يلزم حده
نقدر نحسب نعمه علينا..؟
وفضله وكرمه ازاي هنعده
مش لاقي المال لكن حامد
وكتير غيرك.. .ناسيين حمده
والدنيابتلهي الغني بغناه
ولاصلي في مره حتي وعبده
ورياء الناس ساكن جواه
ومدح الناس يغويه ...ويشده
وبينه وبين النفس مريض
والحرص بيفتك بيه.... ويهده
ان راح منه شئ ياسلام
مايشفش النوم من حزنه ووجده
ولابيسلم أمره..... لربه
ولابيرضي .......بقضاه وقدره
ورسول الله......مات مديون
راهن درعه....ويهودي واخده
وهو أشرف خلق الله
ودينه لو ملك ........لربك سده
ولكن أمر رسولك حكمه
علشان نفكر فيها ......من بعده
وان المال مش وحده الرزق
وأصدق ربي في وعيده ووعده
لوكنت غني أوكنت فقير
لابد أكون علي نفسي أمير
وأفرق في كلامي بين هزله وجده
وربك أقسم بضمان رزقك
وقسمه عزيزفي سلطانه ومجده
لوغني شاكر يبقي يابخته
ولوكان فاجر..... ربك ياخده
وفقير صابر الصبر ضياه
وملايكه معاه ومن ربك مدده
وفقير والكبر في قلبه دفين
ماشي .....ومصعر للناس خده
تايه ..حاير..منبوذفي الدين
وسلام ربنا حتي .....ما بيرده
وسلامة القلب بالرضا واللين
وحساب الاخره.......أمرلابده
لما نفسك تطلب أمر
يغضب ربك مش هيسر
خالف نفسك......واعمل ضده
ساحة النقاش