<!--<!--<!--[if gte mso 10]> <style> /* Style Definitions */ table.MsoNormalTable {mso-style-name:"Table Normal"; mso-tstyle-rowband-size:0; mso-tstyle-colband-size:0; mso-style-noshow:yes; mso-style-parent:""; mso-padding-alt:0cm 5.4pt 0cm 5.4pt; mso-para-margin:0cm; mso-para-margin-bottom:.0001pt; mso-pagination:widow-orphan; font-size:10.0pt; font-family:"Times New Roman"; mso-ansi-language:#0400; mso-fareast-language:#0400; mso-bidi-language:#0400;} </style> <![endif]-->
لسه باقي وباقي مني
مهما خدتي وبعدتي عني
ياغاليه أوهبلك روحي وعمري
يابلدي ياشمسي وليلي وقمري
حتي لوخيرك
لغيري وغيرك
حتي لوسرقونا
ألف ........مره
ودبحتناقسوتهم المره
لسه باقي وباقي مني
آمال جوايا وتمني
........................
ان بكره يبقي أحلي
وتروح من عنيكي الغشاوه وتخرجي يابلدي من الوحله
بس امتي
امتي تاني هامتك تعلي
وأحس بقيمتي
ياحره فيكي
واني أنا اللي بخيرك أولي
بصيص من النور
خايف ومستور
ومتخفي جوايا
وكلمة الآه
قبل ماتوصل للشفاه
بتلحقها رحمتك يالله
وأبدلها برضايا
..............................
علي صوت آدان الفجر
علي نور شمسك والبدر
وأهلها الطيبين
اللي في أحلك ظروف
بيخاف منهم الخوف
والكرم عمره ماسابهم
ودافرض في كتابهم
لوطرق الغريب بابهم
اللقمه جاهزه
من غير منين وازاي
وقبل حتي الشاي
ترحيب باحبابهم
بالودوالمعروف
..........................
لسه باقي وباقي مني
السؤال عندنا
علي الجار
مهما الفقر عض وجار
بس انا مصري وباختلف
لو.......لو حتي هاستلف
وأبقي معاه في أزمته
وأكون سنده في محنته
داجاري والجار
مش محتاج حوار
لو حصله ظروف
.
.........................
لسه باقي وباقي مني
راية التوحيد في قلبي
وقتي أصلي
وشهري أصوم
وبأذكرك في كل يوم
وادي فريضتي
لبيتك وألبي..
لسه ثقتي فيك ياربي
هي...............هي
ان بلدي تبقي عفيه
ياما زمان
شفنا هوان
وكنا ضحيه
وراية النكسه
في سبعه وستين
شاهده عليا......
لكن انا المصري
وانت قوتي ونصري
وكفايه تكون انت
انت اللي ليا
أول ما قلت في قلبي
الله أكبر...
لقيتني في الشط التاني
منك ياسينا
عبرنا وكبرنا
وانتصرنا وعدينا
سبحانك ..سلاحي هو توفيقك
وتسبيحك وخرطوم من الميه
فتحت بيه خط بارليف
حتي الحجر
من خشيته انفجر
وحبة الرمل
سبحت تحت رجليه
................................
أنا المصري
مهما الشيطان غر واحد
أو ألأف واحد
لسه الخير جوايا كبير
بالصلاه علي النبي
والتكبير..
أم بتدعي لابنها
وأب بيأمن بعدها
وأمل في الله
ماله نظير
....................
لسه باقي وباقي مني
لسان بيذكر وسجدة تعني
ساحة النقاش