ساعة الغروب
وقبل ما نخش فى الضلمه
وتتوه بينا الدروب
والسفر لوحده ضلمه
والغربه ظالمه
للحبايب والقلوب
مهما بعيدنا عن بعضينا
وبعدت بينا المسافات
واشتقنا لكم يا غاليين علينا
واشتقنا للى فات
بتقربنا الذكرى الحلوه
والامل فى قلوبنا غنوه
بتغنيها دموع عنينا
لما نقول للغايب
سلامات
مهما بعدنا عن بعضينا
وفرقتنا المسافات
بتجمعنا ذكريتنا
وبتحمينا من اهاتنا
وتخلينا نعيش حياتنا
وتحلي لينا الامنيات
مهما بعدتم ولا بعدنا
راحة بالكم دى بتسعدنا
ويوم ما ترجعوا بالسلامه
هنقول يومها دا يوم عيدنا