( كمل مشوار الحياة )
بخطوة وفكرة وبداية جديدة
بكل همة وعزيمة وثقه وثبات
واوعى تفكر في الماضي
وكل اللفات من ألالم في الذكريات
وافتح صفحة جديدة في كتاب الحياة
لون حلمك بقلمك وبفكرك وبأردتك
اوعى تخلي حاجه في الكون تهزمك
أنت اقوى والمشوار الطويل
بيبدأ بخطوة قوي خطوتك
وسمع للناس جمال صوتك
وحلاوة خطوتك
بأجمل إحساس دوس بقدمك
علي السجادة الحمراء اللون
بدون عناء واسمع بأذنك
صوت التشجيع والحق في الندااااااء
لتكرم نفسك بنفسك
وهتوصل للحلم وهتبقى في عيون
الأخرين المثل والدليل
واوعى تصدق إنك بقيت كبير
وتعيش في دور الضعيف الذليل
اللي محتاج للعمر الكبير بديل
حب واتحب انعش داخلك
دقات قلبك تقويك
واوعى في يوم تشتكي لحد
بعد الناس عنك أو القرب
انت اقوى بأيمانك وبأحساسك
الجميل والخير اللي جواك كتتتتير
دوس على الأرض بشدة اصلب طولك
ارسم بسمتك وضحتك بنفسك
متخليش حد سبب في سعادتك
السعادة جواك بأيديك خرجها
واسعد نفسك بنفسك ماتستناش
وتحتاج لحد يقويك كلهم بشر مثلك
ارفع ايديك للسماء وقول ياااارب
ماليش غيرك معين سبحانك
قويني بقوتك ولطفك ورحمتك
وكون سندي في شدتي
وفرحي وبسمتي
مدني بعونك وحمايتك
أنا صنعك وعبدك اللي بيحبك
ودايما محتااااااجك
صدقني هيسمعك ويقويك
بقلم /عاطف محمود «مصر»
