<!--<!--<!--

عايزين رئيس

عايزين رئيس يكون حسيس

عاشق ترابك .. مش خسيس

يقدر يحافظ ع الغلابة

يكون على شعبه حريص  

ياخد حقوقنا م الديابة  

ما يبيع  دمنا  رخيص

عادل وقادر ع  الزعامة

ياخدنا .. ل سكة سلامة

صادق أمين .. ومش لئيم

قادر يحافظ ع  الكرامة

وف الإدارة .. شديد

وقلبه  أجمد م الحديد

عايزين رئيس

حكيم يداوي بلاوي سنين

طبيب وشرخ الجرح دفين

 عزيز يعز المصريين

 بدون تحيز بدون تمييز

وطني وعالم بالأمور

يحترم الدستور

يؤمن بسيادة القانون

عايزين رئيس

بدون جواسيس

قوي الارادة .. جسور

متحرر م الكواليس

يحمي دولتنا المدنية

يتحمل المسئولية

جدير بشعب مصر

سليل حورس

ابن إيزيس

عايزين رئيس

بقلم

                             السيدالعربي رزق