جاوب  قولى ..
.......
ليه  بتعذب  فيا وتقسى .؟
ليه  بتخلى الحب جحيم 
ليه  ماتكونش عليا حنين 
تكسب قلبى وتبقى رحيم 
ليه  ماتكونش فى حبك واضح 
وتعيشنى بقلب  سليم 
جاوب قولى ...وليه حتخبى 
قلبى الصابر  طبعه حليم 
عايز  تعرف ليه بتعذب 
لما تكون ولغيرى قريب 
تكتب غنوة حب وتقرأ
وألمح نظرة لأى غريب 
تخدك منى  وتبعد عنى 
انسى الفرحه وروحي تغيب 
افقد عقلى واعالج قلبى 
واستناك  مع الف طبيب 
لكن ممكن يوم اتغير 
لو حتسبنى  فى حيره كتير 
هابعد واهرب غصب عنى 
مش ح اتسامح  ولا اغير 
حانسى  الحب  زمانه  وناسه 
وانسى الدنيا  بدون تفكير 
قلبى الصابر  راح يتغير 
فين  حتلاقى  لقلبى نظير 
 Nagat.

 

المصدر: بقلم الشاعرة// نجــاة قطــب//جاوب قولي
  • Currently 0/5 Stars.
  • 1 2 3 4 5
0 تصويتات / 48 مشاهدة
نشرت فى 3 يونيو 2016 بواسطة Cleobatra

عدد زيارات الموقع

55,526