جارى التحميل
استخدم زر ESC أو رجوع للعودة
....... ادعي ربك.....
كل ضيقه وليها باب
ادعي ربك ينفتحلك
الف باب
وارمي حملك عاللي خالقك
تلقى قلبك عاد شباب
مهما عشت في قصر والا
عشه رايح عالتراب
تلقى نفسك فجأه واقف
ايوا وحدك للحساب
بص قبلك ياما عاشوا
خلق اشرس م الكلاب
خلق نهبوا وخلق داسوا
وسابوا ياما كتير خراب
في النهايه واللي فاضل
بس منهم
سيره اوسخ م الهباب
واللي عاشوا وبضميرهم
يوصلوا اعمار لغيرهم
يزرعوا في الخير يلاقوا
كل خيرهم راح سراب
كل ضيقه وليها فورجه
كل ضيقه وليها باب
ادعي ربك ينفتحلك
م السما حتى السحاب
واوعى تظلم حد ابدا
ينكتب ليك العذاب
داري جرحك عالخلايق
واشتكي لرب العباد
تلقى روحك جوا منك
شمعه بتنور بلاد
.........
اشرف الشناوي
شاعر عاميه
البرامون
المنصوره
المصدر: اشرف الشناوي
