جارى التحميل
استخدم زر ESC أو رجوع للعودة
........ بدون عنوان......
بجد بجد
مش لاقي
كلام يتقال
طب اكتب ايه
لاغنوه نافعه تتغنا
ولا موال
دي ناس نايمه
باوجاعها
بتحلم والوطن باعها
يعدي الصبح يخطفهم
ويفتح عالجحيم
بابهم
يسدوا الباب باعصابهم
يلاقوا الجرح متمدد
على الجدران
وتهرب منهم الحسبه
تزيد النسبه
في قلوبهم من الاحزان
ويستنوا الأمل بكره
بمية فكره
ماليها مكان
ويجي الصبح متقسم
كأنه ماكان
يدق الفجر اوجاعهم
يعلقهم على الصلبان
وتاكل فيهم العته
مع الغربان
يسيبوا الحلم عالسكه
يبيعوا الجته بالحته
من الحرمان
يخشوا القبر بالعافيه
ويرموا قلوبهم الدافيه
لابو قردان
ياخدهم موج ويحدفهم
في بحر غويط
ويكتم حتى أنفاسهم
يموتوا فطيس
ويصحوا في عز أحلامهم
على الكوابيس
ويملوا بدمهم تاني
دونا الفوانيس
يلاقوا نفسهم برا
الأمل بلابيص
...........................
اشرف الشناوي
شاعر عاميه
البرامون
المنصوره
المصدر: اشرف الشناوي
