حسن المصرى (فى الخريف)

 (فى الخريف)
الضى قدام عينى بعيد
ضعيف............
على عكازى
رميت انا زمانى
حطيت احمالى ....
خطوط العمر رسمت نفسها على كفوفى ..
.الوشوش كما الايام طلعت فشوش .
وشى بقى متعرى
صبح مكشوف
بفرش حصيرتى
.بقعد على ارضى
بحس بيها مش ملكى ....
.برسم خصى ورا ضهرى ..
البس جلبيتى... واغطى راسى بالطرحة .....
عيونى باينة مانقص فيها غير البسمة والفرحة...
شديت الحزام على نصى ..
.ربطت لبشة قوايم على خصى ....
الوحمة على وشى ..
.والحسنة مدورة على دقنى ...
.الرموش طايرة مع عمرى ...
ولبن الرضيع ناشف جوة صدرى ...
الحواجب دايبة
لكنها مرسومة متكرمشة كما صبحى ...
عمال ادوس على عكازى....
شاى الكنون التقيل معدش يظبط راسى
العيون ميتها البيضا صبحت زرقا
والهدمة متقطعة
خيوطها صبحت متمزعة
خرقة.......................
توقيع 
حسن المصرى