توب المحبة
يااللي من الحريرلابس التــوب والوش عابس بالغرور وربــك والله ده رب قــلــوب
غاسل توبك ماشى تتغندرمتعطرونضافة القلب اهم من نضافة البـدن والــتـوب
سيبك من الهم واللي يغم ده كل شيء في النهاية بالـقدر في الكتاب مكتوب
واصبرعلى حقك وطالب ولاتسكت واياك ترضي في الحق ولو يوم تبات مـغلوب
وقول يارب دايما دى كلمة يارب تخللـــــي اي جبار وأي ظــالم يبـــات مـرعـوب
وداري عيونك عن عيوب الخلق وبص في المراية حتلاقي نفسك كـلـــها عيــوب
وخليك صابر علي بلوتك وخليك فاكر استاذ الصبر جدي وجدك الكبيــرأيــــــوب
واتواضع لربك ده كله في التراب بيتساوي زبيبة زى عبلة وعنتر وأخوه شيبـوب
واعمل الخيروما تنتظر كلمة شكر من بشر ده عند البشر دايما الميزان مقلوب
واوعي يغرك المال ده صاحب القلب الابيض بس من ربه ومن العبــــاد محبوب
ده صاحب المال لما يفلس تلاقي كل البشر حتي الخسيس بيحــدفه بالطوب
والحق لنفسك توبه قبل النومه يا ناصح ده احنا بشر وكل البشرمليان بالذنــوب
دي الدنيا فانية وقيامة قايمة يا خلق وعند ربك بس ميزان بالعـــدالة منـصــوب
واياك تغرك عزوتك والاياحلو طلعتك يومها لاخال ولاعم في الحساب حــــينوب
محمد ابو الفتح
