جارى التحميل
استخدم زر ESC أو رجوع للعودة
<!--<!--<!--
ازاي يهون
...........
.............
في ساعة صفا
والليل رامي ستارته
................علي العيون
بنسأل قلوبنا
ايه اللي غالي
في الدنيادي
وايه الرخيص اللي يهـــون
..............
لما تلقي قلب صـــــافي
كلامه بلسم
............وحرفه شافي
في الحر نسمه
.........وفي البرد دافي
..................ازاي يهون
ازاي يـــــهـــــــــــــــــون
..............
وقت الشدائد تعرفه
مهما كان همك كبير
يهَون عليك ويلطفه
ومهما حبـــك كلفه
................تلقاه حنون
...............ازاي يهون
..........
أم بتربي وكتيـــــر بتتعب
وتقول يارب
يارب ياابني
تكبر وتلعب
ألمها جوه
في القلب يكبر
والابتسامه ع الحزن تغلب
ازاي تهون
ازاي وازاي......وازاي تهون
..................
وأب طــــالع ع الشغل بدري
وحب الولاد ف القلب يسري
كل همــــه دول يبقوا ســعدا
وبيقول فداهم عمري
اللي بيجري........ازاي يهون
.............
وكتير وكتير في الدنيا دي
لسان عفيف صاحبه هديه
يفكر في لفظه لايكون آسيه
ازاي يهون
.............
عمره ماكان الحب مقصور ع الجنون
ولاخيال واسع بعيد
علشان تحس انك سعيد
وحبيبك غرقان في دمع العيون
الحب أكبر من كده
بالحب توصل للرضا
وتكون حنون
تضحك لبسمة طفل نادي
تحس بقيمتك جوه نفسك
وتقول يارب انصر بلادي
.........
وتزور مريض
تلقاك في نعمه
وتحمد في ربك من الساعه دي
واللي كفيف وراضي بعيشته
الاحساس دا كم مره عشته
تفرق ايه معاه كتير
لوسكنه كان جوه عشه
أوحتي ساكن في المعادي
الحب انك بالخير تهادي
الحب انك بالخير تهادي
المصدر: أشعار لطفي أمين
ساحة النقاش