الاحـــســـاس بالامـــان

الأحساس بالأمان ده أجمل حاجة فى الدنيا

الواحد دايما بيحب يحس بالأمان فى كل مكان هو موجود فيه فى بيته ، فى شغله ، فى مكان دراسته ، ومع كل الناس ألى حواليه يعنى مع أهله وأصحابه وحبيبه

شىء رائع أن الواحد يحس بالأمان وخصوصا من أقرب الناس ليه

الانسان ممكن يحس بالامان من حضن لاولاده وهما اجمل شىء بالدنيا كلها

لأن بجد الواحد من غير أمان بيسيطر عليه كل الأفكار السيئة

لأن الأحساس بعدم الأمان بيصيب الواحد بالوحدة ودى أصعب حاجة فى الدنيا

الأحساس بالأمان مش صعب أوى ، لأن أحنا ممكن نحس بالأمان من مجرد كلمات أو نظرات حنينة أو وجود حضن دافىء وحنون نترمى عليه وقت الشدة ووقت الخوف

وللأسف فى ناس بتقعد تقول أمان أيه أنتى بتحلمى هو الزمن ده بقا فيه امان     

تفتكره فعلا ياجماعة للدرجة دى الأمان بقى صعب وللدرجة دى الناس معندهاش شوية وقت للى بيحبوهم وبعدين دى كلها حاجات بسيطة وصغيرة   

مش هيحصلنا حاجة لما نحاول نفهم الناس الى قريبين مننا ونحاول نحسسهم بالأمان وبالحب معقولة الدنيا بقت بالسوء ده ، مهو أحنا كمان علشان كده أغلبنا عندهم أكتئاب ومخنوقين وزهقنين من الدنيا علشان مفيش حد واقف جنب حد مع أن كل واحد بيبقاله يوم يعنى أنهاردة هتقف جنبى بكرة هقف جنبك ، هى الدنيا كده لازم أحنا نبدء بالعطاء علشان يوم منحتاج نلاقى . مش كده والا أيه؟؟

الإحساس بالأمان

أجمل إحساس في الدنيا هو الإحساس بالأمان !

لما تلاقى قلوبا تحبك فتنسى كل الإحزان

يا سلام لو كل واحد منا حب غيره  وكل قلب يحب يخاف على قلب غيره

نتمتع بجمال الدنيا نتمتع بكل ثانية

ونحقق كل الأحلام

أجمل إحساس في في الدنيا هو الإحساس بالأمان

لما تلاقى قلوبا تحبك وتنسى كل الإحزان

اعمل الخير وانساه  وإياك إن تخون ضميرك

ولما ربنا يعليك فإياك أن تدوس على غيرك

فالمكسب في كل أيامنا رضا ربنا عنا

فلا تخف من الأيام

فاجمل إحساس في الدنيا هو الإحساس بالأمان،

لما تلاقى قلوبا تحبك وتنسيك كل الإحزان

الكلمة الحلوة ... هي أحلي موسيقي تسمعها الآذان

البسمة الحلوة ... هي أجمل لوحة يرسمها الفنان

العمل الطيب ... هو أفضل ما يقدمه الإنسان للإنسان

فلتكن كلمتك دائما حلوة .. ولتكن بسمتك دائما حلوة وليكن عملك دائما طيبا .