طبعا كلنا لما بنجيب اجهزه جديده بتكون متغلفه بالفلين
والنهاردة جبت لكم أفكار جميله جدا للفلين وحبيت اشارككم بيها لانها بسيطه ونتيجتها حلوه جدا
الفكرة الاولى : أحرف من الفلين
الطريقة :
اكتبي الحرف اللى تحبي تنفذية على الفلين
وكل ما يكون الحرف كبير يكون افضل واشيك
قصي الحرف باستخدام الكاتر (cutter) بتاع الورق ومسطره عشان تحافظى على الفوم 
ادهني الفوم باللون اللي تحبيه
ورشى شويه جليتر فوق اللون
وده هيبقى شكل الحرف النهائى بعد مايجف
الفكرة التانية : ورود من الفلين لتزيين الاقلام
هنحتاج إلى :
- أوراق ملونه من الفلين
- شرائط ملونه
- أقلام رصاص
- أسلاك ملونه
- صمغ
خطوات العمل :
هنرسم الأشكال اللي حابينها على الواح فلين ملونة بحجمين مختلفين.
ونرسم دائرة صغيرة على الفلين الاصفر لعمل زر الوردة وممكن استخدام الكرتون بدل الفلين لكن الفلين بيتحمل اكثر نعمل ثقب في نصف الشكل الكبير ثم ندخل فيه الشريط الاخضر ونثبته أما بعقده أو بلصقه بالشمع أو بالغراء .
نلصق الشكل الصغير فوق الكبير وبعدين نلصق زر الوردة .
ونلصق الوردة على القلم ونضع لاصق على الشريط الاخضر ونلفه على القلم وممكن كمان نلصق فيونكة صغيرة خضراء تحت الوردة .
الطريقة الثالثة : برواز من الفلين
الخامات
قطعة كرتون
ورق ملون
فلين - مرآة
مادة لاصقة
مقص
زراير ودانتيل
شريط ستان مناسب لسمك قطعة الفلين
الطريقة
نقص قطعة الكرتون مرتين والشكل االلى هنفذه للبرواز شكل قلب
نفرغ واحدة من قطع الكرتون على شكل قلب زى اللى في الصورة
نقص من الورق الملون نفس الشكل مرتين
نقص قطعة الفلين على هيئة قلب وهتكون نفس مقاس الورق
ونحضر قطعة مرآة تكون على شكل قلب اكبر شوية من القلب الداخلي المفرغ في قطعة الكرتون ونلصق كل قطعتين من الكرتون والورق الملون المتشابهتين معا ونلصق المرآة خلف القلب المفرغ ونزينها بالزراير او الدانتيل
نلصق قطعة الفلين بين قطعتي الكرتون والورق الملون جيدا ونلصق شريط الستان حول القلب الفلين عشان نغطية
وده هيبقى الشكل النهائى بعد اضافة ورود وصورة جميلة ومن الممكن اننا نستبدل المرآة باي صورة ونضع الساتان او الدانتيل حولها
ويارب الافكار تعجبكوا ،،،
ساحة النقاش