كلنا بنستعمل الورق فى حياتنا سواء مجلات او جرايد وبعد مانخلص قراءة مش بنعرف نعمل ايه فى الجرايد والمجلات دى . النهاردة جبت لكم اكسسوارات متنوعة من الورق وطريقة تنفيذهم
وفعلا شكلهم تحفة ولما تشوفوهم مش هتصدقوا انها ورق
اسيبكم مع الصور
ودلوقتى بقى نيجي للطريقة :
نجيب المجلات أو الجرايد اللي عندنا وناخد ورقة منها ونجيب مسطرة ومن اعلى الصفحة واخرها نحدد بمعدل نص سم ونعمل علامة لغاية مانخلص العرضين
وبعدين هنقطع بالكتر على شكل مثلثات رفيعة من النقطة اللي فوق بالنقطة اللي تحت
بس اول نقطة هتكون مع تاني نقطة من تحت عشان تكون مايلة للمثلث وفي الاخر هتطلع المثلثات عكس بعضها كدة
وبعدين هنلف على اي عود ممكن عود خلة الاسنان او اعواد الشوي نبدأ من قاعدة المثلث ونلف لغاية الاخر والطرف نلزقه بالصمغ
وهتتكون خرزة من الورق المثلث زي كدة على طرف العود
وهناخد الخرزة وهي عالعود وندخلها في زجاجة مقوى اظافر عشان تمسك اكتر وتطلع بتلمع وبعدين نغزها على طبق فبر ونسيبها تنشف
وبعدين هتطلع الخرزات كدة ولو تلاحظوا الجنب اليمين بيلمع والشمال لسة مضيفناش عليه المقوى
وبعد ماتنشف نقدر نشكل العقود والاساور وممكن حلقان او اي حاجة تانية
وممكن كمان تضيفى معاهم اى نوع من الخرز وكل ما تكون صفحة المجلة فيها رسومات والوان هتطلع خرز الوانه احلى
وده هيبقى الشكل النهائى
عقود
اساور وانسيالات
خواتم
خلخال
حلقان
توك للشعر
ساعة
والفيديو هيوضحلكم طريقة عمل الاكسسوارات من الورق
ساحة النقاش