ازيكوا عاملين ايه !! النهاردة جبتلكوا فكرة جديدة سهلة وبسيطة وهتعجبكوا

الفكرة هى ازاى تنفذى إطار للبرواز من الشماعة المعدنية  

زى ده

الأدوات والخامات اللى هنستخدمها :

· شماعات ( علاقات ) للملابس حديد .
· زرادية لقطع وتشكيل العلاقات . 
· أسلاك رفيعة لربط العلاقات .
· لصق شفاف ، سبراى لونة ذهبي .
· اى صورة لمنظر ورود أو أى منظر طبيعي .
· قطعة من قماش الخيش .
· مسدس شمع .
· خيط من الخيش.
· ورود للتزيين .

ودى طريقة العمل :

فكى واحدة من علاقات الملابس وقصي باستخدام الزرادية الأطراف المتعرجة جداً واللي هيصعب تعديلها ، وبعد كده شكليها على شكل مستطيل وساوي أطرافها بالكماشة .



عشان نثبت طرفي الشكل المستطيل هنقوم بجمع الطرفين مع بعض ونثبتهم باللصق الشفاف ، ولو حبيتى تعملى إطار أكبر قصى قطعة من الحديد عشان توصل بين الطرفين وثبتيهم باللصق الشفاف .

شكلي 8 قطع حديدية بالزرادية زى صورة 4 ويجب أن طول كل قطعتين من الشكل يتناسبوا مع طول ضلع واحد من أضلاع المستطيل.

شكلي 16 قطعة حديدية بواسطة الزرادية  زى صورة5 ويجب أن يكون حجم القطع أصغر من القطع السابقة .

دلوقتى ثبتى قطعتين من القطع الكبيرة على أحد أضلاع المستطيل بالأسلاك الرفيعة  ، وكمان ثبتي القطع الصغيرة 
وثبتي بقية القطع على باقي أضلاع المستطيل عشان تحصلي على الشكل النهائي

بعد كده لوني الإطار بالاسبراى الذهبي · واختاري أي منظر ب يكون حجمه أصغر من حجم الإطار بـ3سم تقريباً .
 وبعدين قصي قطعة الخيش بحجم أكبر شوية من حجم المنظر ، والصقي المنظر على قطعة الخيش بمسدس الشمع ، وأعملى أربع ثقوب في منتصف أضلاع المنظر بمقص طرفة حاد .
 ودخلي خيوط الخيش في كل ثقب واربطي أطرافها على الإطار



وبعد ماتخلصى الاطار زينية  بالورود .وده هيبقى شكلة النهائى .

علقى الإطارعلى حائط منزلك باستخدام مسمار صغير جداً عشان ميظهرش .



ها ايه رأيكوا ؟!!

مش قلتلكوا هتعجبكوا ..